Традыцыйна на першы ўрок у новым навучальным годзе вучні 9 "А" і 7 "Б" класаў выправіліся на экскурсію.
Сёння нас чакала сустрэча з цікавай гістарычнай асобай - Іванам Хрысанфавічам Каладзеевым - землеўладальнікам і акцыянерам, бібліяфілам і калекцыянерам, выдатным мецэнатам, які прыклаў значныя намаганні, каб наш горад стаў сур'ёзным прамысловым цэнтрам.
Дзякуючы захапляльнаму аповеду ўладальніку дома-сядзібы Уладзіміру Слесараву, мы быццам сапраўды самі апынуліся ў далёкай другой палове 19 стагоддзя, пазнаёміліся з сям'ёй Івана Каладзеева, прасачылі лёс развіцця нашай малой радзімы.
Цудоўна, што ў гісторыі Барысава быў гэты чалавек. І яшчэ лепш, што ёсць людзі, якія працягваюць добрую справу мецэнацтва і стваральнай працы на карысць радзімы і міру.
Камісарава А.В., класны кіраўнік 9 "А" класа