20 кастрычніка вучні 2 "А" класа завіталі ў госці да выхаванцаў дзіцячага садка № 5 г. Барысава. Вучні 2 класа падрыхтавалі сцэнкі на беларускай мове "Муха-пяюха", "Агарод", "Чароўныя словы". Дзеці ўважліва глядзелі, слухалі, потым адгадвалі загадкі пра жывёл, пра садавіну і агародніну, называлі ветлівыя словы.
Потым выхаванцы дзіцячага садка парадвалі гасцей сваім выступленнем. Яны расказалі вершы, станцавалі вясёлы беларускі танец і на прыканцы выканалі цудоўную песню пра Беларусь.
Большасць школьнікаў зусім не так даўно наведвалі гэты прыгожы і ўтульны дзіцячы садок. Яны, як і іх быўшыя выхавальнікі, былі рады пабачыцца зноў. Таму сустрэча атрымалася вельмі цёплай і цікавай.
Гринь Р.В., зав. библиотекой